| 原來成半年有多冇寫過xanga... 實在太懶..... 今日啱啱去完fitting,星期一就影相喇~~~ 我好緊張呀!!! 影相都咁緊張.... 結婚個日真係唔知點算... 近日至醒工作唔係咁開心... 雖然係咁.... 但佢都會繼續捱落去.... 因為就黎要洗一大筆... 我都鄧佢辛苦... 但又幫佢唔到... 唉... 不過我知道佢捱得住既... 我諗近日對於我黎講，最期待既莫過於係星期一既影相。細細個已經好白痴咁幻想自己着婚紗既樣，今日終於要夢想成真.... 你地唔好笑我.... 着住婚紗既時候，不知不覺就會有甜甜既感覺... 呢排近住影相日子.... 我成日都好掛住佢.... 至於對佢黎講，我諗就係去泰國旅行啦.... 佢做野咁辛苦... 有個機會比佢鬆下都好既... 唉.... 我原先諗住叫佢自己一個去，因為我想留番d假期同錢，而且諗住11月同事結婚實放唔到假.... 但點知失驚無神又就到假.... 而佢又話好想我一齊去.... 唉算啦.... 就陪佢去癲下啦!!! 最多慳d洗.... 之不過，到時我又要做足防曬措施... 唉..... 我唔想做個着住婚紗既黑人!!! 琴晚同kk、小阮、polly同v仔一齊打鞭爐(我冇份食)傾計好開心，舒緩左唔少緊張既情緒......仲講到小阮同包包會係接新娘時把關..... 笑死我.... 琴晚經過吉之島，見到好多小朋友既萬聖節衫，好得意.... 我仲諗起上次珍珍買比瑤瑤頂帽，好得意... 聽日要去揀番件比佩儀囡囡先~~ 呵呵~~ |
| |
| bb終於係1月22日出左世..... 家欣努力左十幾個鐘.... 終於都生左佢出黎... 我地等到半夜差唔多三點.... 終於見到肥肥白白既bb由產房推出黎... 嗰一刻真係好開心.... 可惜家欣要係產房觀察.... 要24小時之後先可以見到佢.... 契bb真係好搞笑.... 我第二日去探佢.... 隔住塊玻璃... 佢訓到隻豬咁.... 人地其他bb訓左都會咀郁郁咁... 但佢就郁都唔郁.... 十足十家欣咁懶訓...... 琴日終於有機會探到家欣.... 佢因為失血太多.... 仲未落得床住.... 我見佢都好累.... 佢仲同我講生得好辛苦... 傷口仲好痛... 唔知點解... 一邊聽佢講... 我一粒聲都出唔到.... 係至醒不斷同佢講野.... 因為我d眼淚已經湧緊出黎.... 我都唔知點解..... 我好心痛佢... 知道佢咁辛苦.... 我都好鄧佢痛..... 生bb真係好危險.... 我剩係識得呵番佢.... 叫佢食多d野... 我最後都忍住左d眼淚.... 冇滴出黎.... 而且由於每次探病只可以兩個人... 而探病時間只有兩個鐘... 加上出面有太多人等住探佢.... 我同佢講多幾句.... 攬下佢就要離開喇.... 至醒仲叫我快d收埋d眼淚... 人地係開心事... 叫我唔好喊.... 於是我又再忍住左.... 落到去....一上左至醒車..... 我就忍唔住不停咁喊.... 佢問我喊咩野...我都唔知點講..... 總知就係好想喊.... 我真係好緊張家欣...... 希望家欣快d康復..... 同bb快d出院.... |
| |
| 家欣昨晚半夜開始作動喇..... 現家好似話醫生幫佢"催生"緊.... 好緊張呀~~~ 希望bb唔好要媽咪痛咁耐..... 快d出黎啦..... 好想快d見到肥肥白白既小女女....... |
| |
| Yeah~~ 時間過得好快.....不經不覺日文3級試既成績已經出左..... 我叫左至醒琴日幫我攞.... 我放工就過去揾佢.... 好嘢~~ 我有342分~~~!!!!  超出我自己想像.... 真係喜出望外.... 我做左咁多年past paper都未試過有咁好成績.... 真係要讚下自己.... 亦都好多謝阿sir...佢教得真係好好.... 每堂完左又特登留底一陣解答我同阿TIM(同我一齊考試既同學仔)既問題.... 亦都要好多謝KK同Polly.... 同我一齊並肩作戰.... 希望你地都有好好既成績..... 至醒帶左我去食板燒日本年糕同牛柳粒慶祝.... 超好味... (其實考得好唔好都有得食... 如果考得唔好就用黎安慰我..... HEHE) 總之... 好開心呀~~~ |
| |
| 今日第一日返工..... 一早出門出師不利..... 安定居然撞車封路... 搞到所有巴士都番唔到黎屯門... 冇車出去..... 仲要係我等左廿幾分鐘之後個車長先通知...... 我當時六神無主.... 差d喊左出黎 ..... 因為我完全諗唔到其他方法出去..... 就算搭西鐵去到荃灣西又搭唔到巴士去沙田..... 唔知點算.... 於是即刻打比至醒求救..... 結果佢教左我一個方法...... 就係搭西鐵出荃灣再搭的士...... 係喎!! 點解我從來冇諗過搭的士!? 好彩最後有驚無險..... 去到都係遲左數分鐘.... 而太多新人返工.... 大家只係填緊form... 唔係好覺眼 .... 跟住佢就派信封比我地..... yeah~~~~ 我派左去尖沙咀文化中心!!! 仲要唔係跟場地管理... 而係做"觀眾拓展" 即係搞免費既文化節目比大眾，向佢地推廣表演藝術......仲有一d其他既節目.... 好開心呀~~~~ 可以搞活動!!! 唔駛睇場..... 唔駛番shift..... (雖然每個月都要輪一晚當值睇場.... 不過都好少啫...) 不過好多時星期六都要番.... 有時要番夜晚.... 就番d節目... 不過都接受到既..... 不過真係好開心呀!!! 我會好比心機做!!加油!!加油!! |
| |
